ألم اسفل الظهر

 مثل ما شفتو في الفيديو ، الموضوع يتكلم عن الم أسفل الظهر الناتج عن تقلص و شد  العضلة المربعة القطنية ، العضلتين في الجهتين من الجسم راح يشتغلون مع بعض في انهم يثبتون العمود الفقري و يحمونه و يفردون الظهر للخلف و اذا طبقنا الميلان الجانبي راح ترتخي وحدة و تنقبض الثانية . . هذي العضلة داشة معانا في وايد من حركاتنا اليومية من مشي و قوف و جلوس و انحناء ووايد حركات ، اي يشخص يعاني من شد هذي العضلة راح يحس بإزعاج و الم في اغلب هذي الحركات و لانه يستخدم هذي العضلة في اغلب هذي الأنشطة بالتالي راح يعرضها الى مجهود يومي عشان جذي تخفيف الالم فيها و تقويتها عشان تكون قادرة تتحمل النشاطات اليومية بدون اي اثار جانبية لازم يكون سريع جدا ولا تهملون علاجها عشان ما تتحول الى مشكلة مزمنة و ما يتعرض الشخص لمشاكل جانبية مثل مشاكل المفصل العجزي الحرقفي ، الم في الحوض و الأرداف و حتى البطن . . هذي تمارين سهله و بسيطة اي شخص يبي يتخلص من هذي المشكلة أو يبي يحمي ظهره من التعرض الى هذي المشكلة يقدر يطبق هذي التمارين